Background Image
Table of Contents Table of Contents
Previous Page  10 / 100 Next Page
Information
Show Menu
Previous Page 10 / 100 Next Page
Page Background

— Андаатар тириилэрин аймахпыт Алексеев биэрбитэ.

— Оттон Татьяна Яковлевна: «Оҕонньо-рум бэйэтэ өлөрбүтэ, ыал-

ларга барытыгар баар ини»,— диэбитэ ээ.

— Мин елербетөҕүм. Оттон Алексеевтан бэйэм аҕалбытым, ону

өлөрөн аҕалла диэбитэ буолуо. Оттон норка тириитин лааппыттан ыл-

быппыт.

— Андаатар тириитин атыыласпыккыт дуо?

— Эчи суох. Ол киһи бэйэтэ бэлэхтээн биэрбитэ.

— Ол киһи атыылаабытым диир дии.

— Ээ, босхо биэрбитэ. Тоҕо сымыйалыыр баҕайыный?

— Ити курдук суруйдубут.

— Суруй.

Серафим Тимофеевич суруллубут боротокуолу ылан ер сыныйан

аахта, тутуһар кыаҕа суох буолла быһыылаах, харандааһын ылан,

суон тарбахтарын хамсатан, бөҕүөрбүт курдук, нэһиилэ сыҕарытан,

илии баттаата. Иһин түгэҕэр баар ньоҕох санаа хамсаабакка хаалла

быһыылаах...

13

.

Бу күннэргэ Октябрина наһаа үлэлээтэ. Элбэх туоһулары ыйытта,

сорох экспертизалар түмүктэрэ кэлбиттэрин ырытта, эбии докумуон-

нары хомуйда уонна сороҕун үөрэттэ, ол олус сылаалаах, илистиилээх

этэ. Ону аахсыбакка, үлэлии олордоҕуна, дьүөгэтэ райкомол иккис сек­

ретаре Сардаана кыыс телефоннаата. Кини бүгүн куораттан самолету-

нан тахсыбыт.

— Октябрина, уонна сонуннаахпын.

— Сонуннаахпын даа, этиий!

— Хата, таай, туох буолуой?

— Таайабын дуо? Оччоҕо туох эрэ үчүгэйи атыыласпытыҥ буолуо.

— Суох-суох,— Сардаана лыҥкынас куолаһа иһиллэр,— миэхэ

сыһыана суох, эйиэхэ сыһыаннаах, эйиэхэ, Октябрина.

— Миэхэ! Кэһиигин таһаардыҥ ини?

— Сыыстыҥ.

— Оччоҕо тугуй? Чэ, киэһэ тиийиэм.

— Тиийиэм диигин дуу?

— Тиийиэм. Көрүөм, кэпсэтиэхпит.

— Суох, туох да иһин миэхэ кэлиэҥ суоҕа.

— Туох буоллуҥ, Сардаана. Хаһан эйигин албыннаабыппыный?

— Эн бу киэһэ миэхэ кэлэргэ эрдэттэн тылгын биэримэ.

— Бу кыыс туох буолтуй?— Октябрина күллэ, ол эрээри иһигэр

дьиктиргии санаата,— Сардаана, чэ, чэ, эт, эрэйдээмэ.

— Эрэйдэнээри гынныҥ дуо?— туруупкаҕа Сардаана тиэхэлээх-

тик күлэрэ иһиллэр.

— Сардаа. Сардаа... Туох да сонуна суоххун быһыылаах, баар

буоллаҕына этээриий?

— Бүгүн миигин кытта,— биирдии сүһүөҕүнэн ыган таһааран истэ

Сардаана,— Кэн-чээ-ри кэл-лэ!

— О й !— диэбитин эрэ истэя хаалла Октябрина.

— «Уойдаама». Хата, биллэрбитгаэр махтан.

— Махтанабын!— Октябрина хара бараан иэдэһэ итий-итий гым-

махтаата. Сүрэҕэ «тик-тик» тэбиэлээтэ, өр саҥата суох олордо. Дьэ,

хата, олус соһуччу буолуон Сардаана биллэрдэ, маладьыас.

Сотору үлэ чааһа бүтэн, дьиэлээтэ. Дьикти ойуулаах хаар кыып-

пахтара үеһэттэн аргыый т^рээрэллэр. Октябрина дьиэтин диэки хаа-