Background Image
Table of Contents Table of Contents
Previous Page  5 / 100 Next Page
Information
Show Menu
Previous Page 5 / 100 Next Page
Page Background

Михаил ПОПОВ

Бытыылкалаах харчы

С Э Һ Э Н *

Холуобунай-процессуальнай сокуон биир сүрүн көрдөбүлэ—буруйу

оҥорууга уорбаланар киһини ыйытыы, доппуруостааһын. Бу дьыала-

ҕа буруйдаах быһыытынан эбэтэр туоһунан да ыйытыы буолбатах.

Бэйэтэ туспа оруоллаах, туспа бырааптаах уонна эбээһинэстээх. Ол

туһунан Октябрина сиһилии, өйдүүр гына Дайбыровка кэпсээтэ. Дай- •

быров эмиэ да буруйдаах буолбакка ыйытылларын эбэтэр туоһу да

буолбатаҕын хайдах эрэ дьиибэргии санаата.

— Серафим Тимофеевич,— остуолга утары олорон ыйытыытын

саҕалаата Октябрина.— Эн буруйу оҥорууга уорбаланааччы буолан

тураҥҥын инвентаризация барыытыгар туох санаалааххын?

— Итэҕэс суох. Ордук баарын хайдах быһаараҕыт, мин билбэп-

пин. Мин кыра киһибин.

— Ахсааныҥ кырдьык сөптөөх. Ол гынан баран, ордук тоҕо, хан-

тан таҕыста?

— Олох билбэппин. Ордук тахсыа суох тустаах этэ.

— Мин эмиэ оннук саныыбын. Эйиэхэ табаары комиссиянан тут-

тараллар буолбат дуо?

— Оннук.

— Оччоҕо тугуй? Маҕаһыыннарга кыайан биэрбэккэ хаалаҕын дуу,

тугуй?

— Барытын биэрэбин. Ол дьон итэҕэс ылбат дьон.

— Итини кыайан быһаарбатыбыт. Билигин бары маҕаһыыннарга

инвентаризация уһултаран эрэбит, баҕар, онтон биллэн тахсыаҕа.

Ити тыллартан намыһах, суон Серафим Тимофеевич өссө саҥата

суох олорон дьиппиэрэн биэрдэ. Халыҥ халтаһаларын сабыҥнатан,

тугу эрэ толкуйдуурдуу атын сир диэки көрбөхтөөтө.

— Серафим Тимофеевич,— киҥи санаатын быһа түһэн Октябрина

* Иннин «ХС» 1 №-гэр к»р.