Окко түспүт оҥоһуум: сэһэн

Автор

Аввакумов Петр Денисович

Заглавие

Место издания

Якутскай

Издательство

Саха сиринээҕи кинигэ издательствота

Год издания

1975

Количество страниц

112 с.

Краткое содержание

Бу сэһэҥҥэ автор Саха сирин биир түҥкэтэх нэһилиэгэр Сэбиэскэй былаас олохтонон, сырдык олоххо тардыһыы кэмин уустаан-ураннаан аҕааччыга тиэрдэр.
Манна сүрүннээн түҥ тыаҕа олорор Сиэҥкэ уол дьылҕата ойууланар. Кини күн аайы алтыһар дьоно, хаалынньаҥ олох түктэри кэмэлдьитин илдьэ сылдьар. Мустан хаартылаан, айдаан бөҕөтүн тардаллар...
Биир түгэҥҥэ Сэбиэт илэ бэйэтинэн киирэн кэлэр. Дьон саһар, куотар, инньэ гынан бу “суостаах ыалдьыты” кытта уолчаан бастаан алтыһар. Уол олорор улууһа олус түҥкэтэх сир буолан, олох хараҥа өрүттэрэ, сэбиэскэй былаас дьону-сэргэни бэйэтигэр тардар кэскиллээх дьаһалларын утаран, сорох хараҥа санаалаах дьон бандьыыттааһыны тэрийэн, сэбиэскэй былаас тэриллэригэр араас таһымнаах хара дьайыылары, хоромньуну оҥороллор. Оччолорго кырата бэрт буолан уолчаан улаханнык өйүгэр хатаабатах...
Сиэҥкэ улаатан баран бандьыыттар кыһыл этэрээтин кытта кырыктаах кыргыһыыларын, хабыр хапсыһыыларын туһунан аҕатын кэпсээниттэн истэр...
Хара дьайдаах бандьыыттар ревкомовецтары кыргыбыт халдьаайыларыгар саҥа олох туоһута - оскуола - интэринээт сырдык түннүктэрэ сандаарар, соҕуруу өттүгэр Сэбиэскэй былаас иһин охсуһууга сырдык тыыннарын толук уурбут кыһыл армеецтарга обелиск хопто маҕан өҥүнэн кылбайар. Сырдык олох иһин охсуспут комсомолецтар ааттара үйэтитиллибит...
Сиэҥкэ аҕата Ньукууһу бандьыыттар бэйэлэригэр тарда сатыыллар, хата Сэбиэт Уйбаан ылыннарыылаах тылын-өһүн истэн, Ньукуус “Кыһыл партизан” диэн холҕуос чилиэнэ буолар, дьиэ кэргэнинээн киин сиргэ көһөр.
Чуумпу өтөхтөрүттэн элбэх дьиэлээх-уоттаах “Улуу сыһыы” диэн бөһүөлэккэ олохсуйаллар.
Киин сиргэ көһөн кэлэн, Сиэҥкэ уол тайҕаны солоон киэҥ суол оҥоһуутун, мэҥэ халлааҥҥа Дьараппалаан ньирилээн көтөрүн көрөн сөҕөр-махтайар.
Сэбиэт Уйбаан кэпсээниттэн Сиэҥкэ саҥа үйэ дьоннорун туһунан истэр-билэр, Махсыым Омуоһап саха ньургуна, саха норуотун туһунан Ленины кытта кэпсэппит, онтон кини үөлээннэҕэ доҕоро Былатыан Ойуунускай- ырыаһыт- диэн.
Оскуолаҕа киириэхтээх күһүнүгэр, биир үтүө күн дьонуттан көҥүллэтэн бөһүөлэк диэки сүүрэн иһэн көрбүтэ уонча бороон үрэх элгээнигэр, кутаҕа киирэн туралларын таһаартаары сыыһа үктээн кутаҕа түһэн, өлөр-тиллэр ыккардыгар турдаҕына, Ганя уол- хонуу бирэгэдьиирэ, түбэһэ кэлэн быыһаан күн-ый буолбут. Инньэ гынан Сиэҥкэ суорҕан-тэллэх киһитэ буолбута. Ол да буоллар киһи-хара буолуох быатыгар, нуучча кыыһа Галина Ивановна – эмчит, кыһамньылаах эмтээһиниттэн, сымнаҕас сыһыаныттан өрүттэр, салгыы киин бөһүөлэккэ Арбузовка эмтэнэн чөлүгэр түһэр.
Онтон салгыы бу сэһэҥҥэ сэбиэскэй былаас атаҕар туран, холҕуостаахтар саҥа олох сайдарын туһугар күүстээх-күүрүүлээх үлэлэрэ, ыччат дьон билиигэ-көрүүгэ тардыһыыта ааҕааччы болҕомтотун тардар.
Сэһэн бүтэһик чааһыгар Аҕа дойдуну көмүскүүр улуу сэриигэ Сиэҥкэ уол сүрэҕэр - дууһатыгар истиҥник иҥэн хаалбыт хаарыаннаах дьоннорун сүтэрбит курус кэмнэрэ көстөр.
Уол оҕо окко түспүт оҥоһуута, сиргэ түспүт сэрэбиэйэ хайдах курдук эриирдээҕин-мускуурдааҕын, сэбиэскэй олох иһин туруулаһар молуоннаах кэмнэрин бу сэһэнтэн билсиэххит.

Обзору бэлэмнээтэ: Марина Данилова, ведущий библиотекарь Национальной библиотеки РС (Я)

Библиографическая запись

Аввакумов, Петр Денисович
Окко түспүт оҥоһуум : Сэһэн. - Якутскай : Саха сиринээҕи кинигэ изд-вота, 1975. - 112 с.

Включен в подборки

Войдите в систему, чтобы открыть документ

Материалы по теме

Вам будет интересно