Олоххо кыайан быһаарыллыбат түбэлтэлэр элбэхтэр. Ону биһиги үксүн айылҕа дьиктилэрэ диэн ааттыыбыт. Оттон ис-иһигэр киирдэххэ, бэйэҥ түбэстэххэ хайдаҕый?

Кинигэҕэ мүччүргэнээх жанрга суруллубут түөрт түһүмэхтэн турар буолан, ааҕарга олус интириэһинэй. Устуоруйа араас кэмнэрэ, ол иһигэр репрессия ыар сыллара, суола-ииһэ суох хаалбаттара, дьон-сэргэ дьылҕатыгар улаханнык дьайбыттара бу дьоҕус кинигэҕэ итэҕэтиилээхтик ойууланар. Ааптар тыла-өһө тиийимтиэ, хомоҕой. Кини хотугу дьон ураты олохторун, майгыларын бэркэ арыйан көрдөрөр

Бу дьоҕус кинигэҕэ ааптар дьон бэйэ-бэйэтигэр уустук сыһыанын сэргэ киһи барахсан дьылҕата сап саҕаттан да тосту уларыйарын көрдөрөр, эдэр да, саас да ааҕааччыны толкуйдатар тэттик кэпсээннэрэ киирдилэр. Ону таһынан детектив жанрынан суруллубут айымньылар ааҕааччыны сэҥээрдиэхтэрэ