Книга посвящена видным общественным, государственным деятелям Якутии, вся жизнь которых отдана на развитие интересов нации, республики, судьбе народа саха на рубеже веков

Кинигэҕэ Саха Республикатын Ил Дарханын Егор Афанасьевич Борисов төрүт уус удьуорун, аймах-билэ дьонун, төрөөбүт түөлбэтин туһунан истиҥ=иһирэх суруйуулар, Борисовтар дьиэ-кэргэн ыкса ыалларын, доҕотторун, Саха норуодунай суруйааччыта В. С. Яковлев - Далаҥҥа үөрэмиттэр, үрдүк үөрэх кыһатыгар алтыспыттар, үлэһит быһыытынан бастакы хардыылары оҥороругар бииргэ үлэлээбиттэр үтүө өйдөбүллээх ахтыылара түмүллэн киирдилэр. Итини таһынан кинини саха ыалын тапталлаах аҕатын, эһэтин быһыытынан сырдатар матырыйааллары уонна Е. А. Борисов салайар үлэ бииртэн биир үктэллэрин бэйэтин дьоҕурунан, дьулуурунан эрэллээхтик дабайан, Республика Президеныгар (Ил Дарханыгар) тиийэ үүнэн-сайдан тахсыбытын бу кинигэҕэ ааҕан билсиэххит

Чурапчы улууһун Төлөй нэһилиэгэ былыр-былыргыттан дьон-сэргэ тоҕуоруһан олохсуйбут, хороҕор муостааҕы хото иитэн, сыспай сиэллээҕи сырыырҕатан сай-сат диэбит, айылҕа барахсан маанылаан айбыт түөлбэтинэн биллэр. Бу ытык сир ааспыт үйэ үтүргэнин-хабырҕанын толору билэн баран тыын ылан, өрө охсон тиллэн, чэчирии сайдан эрэрэ сахалыы саҥалааҕы үөрдүбэт буолуо сатаммат. Кинигэ ордук киэҥник хабан нэһилиэк 20 үйэҕэ олоҕун-дьаһаҕын сырдатар, кэпсиир. бары ыараханы уйан, ахсаабат дьаныардарынан, дьиппиэ майгыларынан төрөөбүт көмүс ньээкэ уйалара сайдарыгар үгүс сыраларын биэрбит туруу дьон ахтыылара, кэпссээнэрэ кэнэҕэски ыччакка холобур буолуоҕа

Төлөй: Төрүччү суруга кинигэ Чурапчы улууһун Төлөй нэһилиэгэ сурукка аан бастаан ахтыллыбыта 250 сылыгар ананан күн сирин көрдө, бу ытык түөлбэттэн сыдьааннаах дьон-сэргэ туох-ханнык төрүттээҕин-уустааҕын кэпсиир, сырдатар. Үгүс кэм устата ыытыллыбыт сүҥкэннээҕэй көрдүүр, чинчийэр үлэ түмүгүнэн оҥоһуллубут төрүччүлэр нэһилиэк олохтоохторо төрүт өбүгэлэрин ааттарын-суолларын билэллэригэр, ханнык-туох дьонтон хаан тамайалларын өйдүүллэригэр төһүү, тирэх буолуохтара

Кинигэҕэ Чурапчы улууһун саамай кырдьаҕас нэһилиэктэриттэн биирдэстэринэн биллэр Төлөй нэһилиэгин уруккутун уонна билиҥҥитин туһунан кэпсэнэр

Дойду үрдүнэн буолбут биир кэрдиис кэмигэр Өрөспүүбүлүкэбитин салайбыт, Аҕа баһылыкпыт Вячеслав Анатольевич Штыров, Саха сиригэр төрөөбүт, харыс халбарыйбакка үлэлээбит, саха дьонун өйүн-санаатын, төрүт үгэһин, олоҕун ытыгылаан иитиллибит нуучча киһитэ, үлэтин-хпмнаһын, дойдубут сайдарыгар дьоһун санааларын, олохтоох толкуйдарын сахалыы сырдатарга холонон бу үлэ сурулунна. Манна үөлээннээхтэрин, доҕотторун, чугас дьонун, бииргэ үлэлээбит дьонун ахтыыларын, ону-тэҥэ интервью быһыытынан сэһэргэһиилэрин түмэн киллэрдибит